Alazne Salcedo

Transmedia produktu baten programazioa: ATLAS BIDAIAK

2012-02-04T05:03:00.000-08:00

Gaur egun, merkatuan dauden eskaintza eta hutsuneak kontuan izanik, transmedia kontzeptua garatuko lukeen produktu bat martxan jartzeko erronka hartu dugu. Gure helburua, jendearen beharrak eta nahiak asetzeko gaitasuna duen eduki bat sortzea da. Eta, buruari buelta asko eman ondoren, bidaia “munduan” dagoen eskaintza eskasaz ohartu gara. Beraz, urritasun horri aurre egiteko, eta jendearentzat aberasgarriak izan daitezken, zenbait produktu asmatu ditugu.

ATLAS telebistarako bidaia- programa:

Bidaiak oinarri dituen telebista programa bat eskainiko genuke; ETB2-n ostegunero eta prime time ordutegian. Astero bi kapitulu emitituko lirateke, bakoitza 45 minutukoa: batak, nazioarteko hiri bat garatuko lukeen bitartean; besteak, Espainiako probintzia bat erakutsiko liguke.

Dagoeneko, telebistan, gure programaren antzeko formatua eta edukia duten beste saio batzuk ikusgai daude. Honako hauek dira Atlasen konpetentzia zuzenak: “Callejeros viajeros”, “Españoles en el mundo” eta “Destino España”.

Atlas eta konpententziaren arteko konparaketa: helburua, protagonistak eta emisio data kontutan izanik.

ATLAS aldizkaria:

Hilero argitaratuko da; eta bertan, hilabete bakoitzean zehar telebistan emititu ditugun erreportajeen bertsio idatziak irakurtzeko aukera izango dute erosleek. Baina, erreportajeez gain beste osagarri batzuk ere bilduko ditu Atlas aldizkariak: hotel eta jatetxeen proposamenak, mapak, gidak, nola bidaiatu (hegazkinez, kotxez, trenez …), bidaiatzeko bide erosoenak, bisita-proposamenak eta abar.

Aldizkariak gainera, irakurleen parte hartzea sustatzeko osagarriak eskaintzen ditu:

Irakurleen eskutitzak: Irakurleek bidalitako eskutitzen bidez, euren bidaia esperientziak partekatu, aholkuak eman eta abar. egin ahal izango dute.

Lehiaketak: Irakurleek bidalitako eskutitzen artean, gure ustez, interesgarri, polit edota erabilgarriena dena sarituko dugu. Adibidez, astebururako bidaia batekin.

Zozketak: Telefono deia edo sms bat bidaliz, parte hartzaileek zozketa batean sartuko dira.

Elkarrizketak: Bidaia agentzietako langileei, museo edo jatetxetako jabeei, gida turistikoen idazleei ... egindako elkarrizketak ere argitaratuko ditugu.

Atlas aldizkariaren eredua

ATLAS webgunea:

Gaur egun, kontsumo ohiturak aldatuz doaz eta webguneek duten arrakasta gero eta nabariagoa da. Horregatik, Atlasek webgune bat edukitzea, ezinbestekoa ikusi dugu. Guk sorturiko webgunearen jomuga nagusiak; informazioa eta interaktibitatea eskaintzea dira. Baina, zer bide erabiliko ditugu helburu horiek lortzeko?

Telebista “a la carta”: Telebistan emititutako saio osoak interneten, zuk nahi duzun momentuan eta iragarkirik gabe ikusteko aukera eskainiko diegu erabiltzaileei.

Argazkien txokoa: Erabiltzaileek euren paisaien argazkiak gure posta elektronikora bidali eta guk horiek webgunean zintzilikatuko ditugu.

Bloga: Erreportariek bidai ezberdinetan zehar bizitakoa blog batean islatuko dute; beti ere, emititutako erreportajeetan ikusi ez diren argazki eta bideoekin.

Foroak: Gai baten inguruan eztabaidatzeko gunea izango da. Erabiltzaileek izena eman ondoren, eztabaidetan parte hartu ahal izango dute. Helburua: parte hartzaileek gai ezberdinen inguruan duten iritziak plazaratzea.

Inkestak: Guk platenatutako galderaren bitartez, datorren asteko Atlas telebista programan zein toki lantzea gustatuko litzaieken jakinarazteko aukera emango diegu. Dauden aukerak guk planteatuz.

                                 Adibidez: zer gustatuko litzaizuke bisitatzea hurrengo saioan?
                                        a) Rio de Janeiro
                                        b) París
                                        c) Bruselas
                                        d) Jordania

Lehiaketak eta zozketak: Adibidez: "Erreportaje lehiaketa: zure bideoa bidali eta aste bateko bidaia irabazi dezakezu, guztiz dohakoa!".

Programaren produktuak erosteko aukera: Adibidez: Errioxari eta bertako ardoei buruzko erreportajea emititu badugu, aste osoan zehar Errioxako ardo lote bat jarriko dugu salgai gure webgunean".

Telefono mugikorrentzat sortutako ATLAS bidaia aplikazioak:

Bi motatako aplikazioak Smartphone, Iphone eta Android sistema duten telefonoek erabili ahal izateko:

Aplikazio kulturala: Honen bitartez, erabiltzaileak herri edo toki bateko gune kultural edo eraikin garrantzitsu bati buruzko informazioa eskura dezake. Horretarako, aplikazioa ireki, eraikinari argazki bat atera eta automatikoki pantailan deskargatutako zaio eraikinari buruzko ezaugarri, historia eta informazio esanguratsuena. Informazio hori bi modutan eskura daiteke: testu idatzian edo audioren bidez.

Aplikazio erabilgarria: Aplikazio honek, gune publikoen (jatetxe, museo, eta abarren) eskuragarritasunaren inguruko informazioa eskaintzen die erabiltzaileei. Horretarako, aplikazioa ireki eta bisitatu nahi duen museoa edo jatetxearen izena idatzi beharko du. Automatikoki eta segundo batzuen buruan, horiei buruzko informazioa (jateko mahairik libre dagoen, museoko sarrerak zenbat balio duten , etbar.) jasoko du telefonoaren pantailan.

Sare sozialak:

Atlasek twitter eta facebook sare sozialetan profilak izango ditu. Horiei esker, erabiltzaileek programari buruzko azken berriak ezagutu ahal izango dituzte une oro. Gainera, facebook-ek saio edo bideo zatiak ikusi eta erabiltzaileek sarean horiek komentatzeko aukera ere emango luke.

Atlas mahai- jokoa:

Gure transmedia produktua hedatzeko asmoz, familia osoak jolastu eta ikasi ahal izateko mahai joko bat sortuko genuke eta bidaia- trivial baten izaera edukiko luke.

Jokoaren elementu nagusiak: jolasteko taula, piezak eta galdera- txartelak izango dira. Baina zein da jokoaren helburua? Bidaiatzeko beharrezkoak diren bost elementuak lortzea; alegia, maleta, mapa, hegazkinerako bidaia txartela, dirua eta pasaportea. Bost elementu hauek lortzeko, beharrezkoa izango da laukitxo espezifikoetan planteatzen diren galderak asmatzea.

Galderak bost gaien ingurukoak izango dira: kultura, ohiturak, hizkuntzak, historia eta geografiari buruzkoak. Beraz, bidaiatzeko beharrezkoak diren bost elementuak lehenengo lortzen dituenak irabaziko luke jokoa.

Atlas mahai-jokoaren maketa

Ahozkotasuna eta multimedia diskurtsoa ariketa

2012-01-29T03:33:00.000-08:00

1) Demagun hiru pasarte hauek itzuli dituzula euskarara. Justifikatu zein ahozkotasun eredutara itzuli dituzun:

- Torrente, el brazo tonto de la ley pasartea eredu normalizatzailearen adibide argia da. Bideoa euskarara itzuli ondoren, argi ikus baitaiteke protagonistek ez dutela euskara batuaren eredu estandarra erabiltzen. Hizkera motari dagokionez, Torrente eta bere lagunak, kaleko jerga erabiltzen dute bideoan zehar; elkarrizketaren formaltasun maila, argota izanik. Era berean, kontutan izan behar da, argotaren zailtasun maila teknikoa dela. Alegia, hizkuntza ondo menperatzen ez duen pertsona batek (adibidez, atzerritar batek), elkarrizketa entzungo balu, ziurrenik, ez luke ezer ulertuko. Azken finean, kaleko hizkera menperatzeko, praktika ezinbestekoa da.

- Irailak 11ko albistegia eredu normatibizatzailean sortua dago. Albistegi batean formaltasun maila altua erabili behar baita. Horrez gain, mezua ahalik eta jende gehiagorengana heltzeko moduko hizkera mota erabiltzea beharrezkoa da. Hartzaileen kopurua oso handia baita eta beraien arteko ezaugarriak oso ezberdinak. Emozionalitateari dagokionez, kazetariak epeltasuna mantendu behar du. Hau da, hzikera ezin daiteke ez lar hotza ezta lar hurbilekoa izan.

- Fuga de cerebros filmak eredu normalizatzailea darabil. Hain zuzen ere, kalean oso maiz entzun daitekeen hizkera. Formaltasun mailari dagokionez, tabua dela esango daiteke, momentu oro hitz gordinak (imbécil, idiota, cabrón...) entzun baitaitezke pelikulan. Horrek, pertsonaien arteko konfiantza existitzen dela agerian uzten du.

2) Itzuli Torrente, el brazo tonto de la ley filmaren pasartea:

Torrente: - Polizia izatearen alde txarrena da hau. Zerbait gertatu ezean jasangaitza da asperraldia. Joko al dugu kanpaia?
Bestea: - Barkatu?
T: - Ba... hori, kanpaia jo!
B: - Elkarrekin?
T: - Noski, mutil!
B: - Baina... orain?
T: - Elkarri plazer pixkat emateko besterik ezta! Zuk nirea eutsi eta nik zurea... Tentsioak arintzeko ezer hoberik eztago! Baina, marikoikeriarik gabe, eh!
B: - Eztakit nik horretarako momentu aproposena den...
T: - Benga, mutil! Ez dezagun denbora alferrik galdu. Atera ezazu txistua eta ekarri hona.

Menderakaitzak irrati-nobela

2012-01-11T01:36:00.000-08:00

Zuen ekarpenei esker bukatu dugu gure istorioa. Emandako amaiera zein den jakin nahi? Ba, entzun ezazue!

Ziber erreportajearen ezaugarriak: hipertestualitatea, multimediatasuna eta interaktibitatea

2012-01-04T05:57:00.001-08:00

Erreportaje bat egiterakoan, beharrezkoa da aldez aurretik zenbait urrats zehaztea. Hala nola, transmititunahi dugun mezuaren araberako helburu diskurtsiboa finkatzea; generoa etaazpigeneroa zehaztea; storyboard-a egitea, erabiliko ditugun osagaiak aurreikusiahal izateko; dokumentazio lana burutzea; etbar. Beraz, emaitza txukun etaborobil bat lortu ahal izateko, erabaki linguistiko- diskurtsiboak zaindu behardira, nahitaez.

Hala ere, garaiakaldatu dira eta teknologia berrien hazkundeak erreportajeak euskarri berrietaraegokitzera behartu gaitu. Dagoeneko, erreportaje tradizionaletik erreportajemultimediara egin dugu salto. Hori dela eta, zibertestu baten sorreran sareakdituen testuinguru bereizgarriak kontutan hartzea oso garrantzitsua da. Noski,orain arte jarraituriko urratsak baztertu gabe.

Marrerorenesanetan, hiru dira erreportajeak sarean dituen ezaugarri garrantzitsuenak. Bata,multimeditasuna da. Egileak gertakizun baten inguruan ikuspuntu ezberdinakgehitzeaz gain, testuingurua,aurrekariak, iturriak, mapak, infografiak, bideo zein audioak, etbar.eskaintzen dizkio erabiltzaileari. Istorioan murgiltzeko nahikoa informazioemanez.

Bestalde, nodoezberdinen artean lotura ezartzea ezinbestekoa da sareko erreportajeetan. Alegia,nodo bakoitzak independenteki zentsua baldin badu ere, guztiek erreportajeaaberasteko helburua izan behar dute. Izan ere, hipertestualitateak erabiltzaileei,erreportajea kontsumitzerakoan, ez die bide jakin bat jarraitzera behartzen.

Azkenik,interaktibitatea daukagu. Honen ondorioz, erabiltzaileak informazioetanparte-hartzeko aukera dauka: iritzia emanez, lehiaketak antolatuz, eztabaidanparte hartuz... Hala ere, ezaugarri honek badauka bere gakoa. Marrerokdioenaren arabera, nahiz eta hipertestuan erabiltzaileak parte hartzeko aukeraizan, ezin dezake erreportajea modifikatu. Eta, hori da etorkizunean bilatubehar duguna: erabiltzaile kontsumitzaile arrunt izatetik, egile izaterapasatzea.

Negua

2011-12-30T04:05:00.000-08:00

Negua, zer da zuentzat negua? Elurra, Olentzero, oporrak, hotza, iluntasuna, familia...

Arantxa eta Itxaso irakasleak Multimedia Komunikazioa masterreko ikasleei guretzat negua zer den azaltzen duen audioa egiteko eskatu digute. Eta, hona hemen nire negua:

Ekinaren ekinez, euskarak sarean merezi duen lekua izango du!

2011-12-27T05:40:00.000-08:00

Abenduaren 20an, Multimedia Komunikazioa Masterreko ikasleok "Euskararen komunitate birtualak: nola ehundu harreman-sareak?" galdera aztertzen zuen mahaingurura joateko aukera izan genuen. Bertan, Luistxo Fernandez (sustatu.com), Hasier Etxeberria (Zuzeu.com), Lontzo Sainz (Eitb.com), Maite Goñi (Euskaljakintza.net), Lander Arbelaitz (Argia.com) eta Idurre Eskisabel-ek (Berria.info) interneten euskarak bizi duen egoera zein den aztertu zuten. Ondoren guztioi esandakoaren gainean gogoeta egitera bultzatu gintuzten.

Agurtzane Elordui-k, mahainguruaren antolatzaileak, sareko teknologia berriek euskaldunen arteko harreman-sareen trinkotzea errazten duen galdegin zien hizlariei. Guztiok baiezko borobila erantzun zuten.

Luistxo Fernandezen esanetan, "internet harreman- pertsonala zein komunitatearen interesak pizteko tresna ona da. Ez dio euskarari kalte egiten; guztiz alderantziz, euskaldunen artean komunikazioa hobetzen lagun dezake. Izan ere, teknologia hobetu ahala, zirkulua ere zabalduz doa". Azken baieztapen hau hobeto ulertzeko adibide bat gehitu zuen Luistxok: hasiera batean, messenger edo foroetan gure lagunartekoekin kontaktatzen genuen; orain, ordea, twitter eta facebook-ek gugandik urrun dauden pertsonak ezagutu eta hauekin harremana izateko aukera eskaintzen digute.

Euskal komunitatea osatzen dugunok, interneten euskaraz ahalik eta eduki gehien izatearen alde borrokatu behar dugula azpimarratu zuten mahainguruan. Horretarako lehen pausoa, Maite Goñik esan bezala, norbanakoaren indarrean sinestean datza. Izan ere, guztiok ekarpen txiki bat eginez, gure hizkuntza itsaso handian tanta txiki bat izatera helduko da. Euskal komunitateak dituen gogo handiez baliatu beharra daukagu, lurralde berriak euskararekin konkistatzeko.

Era berean, "internet gure alde erabiltzen ikasi behar dugu", Lander Arbelaitzek esan zuenez. Zergatik? Lehenik eta behin, internetek euskara hizkuntza zaharkitua denaren zama kentzeko aukera ematen baikaitu. Bestetik, teknologia berriak etengabe garatzen doaz eta hauekin guri eskaintzen dizkiguten aukerak gehitzen. Hori dela eta, euskaldunok twitter, facebook, tuenti... bezalako sare sozialetan muturra sartzeko aprobetxatu beharra daukagu. Sare sozial hauetan euskaraz dabilenak, sarean euskararen erabilera normaltasunarekin lotuko bailuke. Beraz, euskaraz hitz egiten dugunoi, beste batzuengana heltzeko aukera ematen digu internetek eta euskaldunok horretaz baliatu behar gara.

Hala ere, euskal komunitateak badauka zailtasun handi bat. Alegia, mundu-mailan komunikabide tradizionalak sareko euskarri eta produktuetan entseatzen ari dira. Guk, ordea, horretarako zailtasun handiak dauzkagu; ez baikaude ohituta edukiak eskuratu ahal izateko ordaintzera. Idurre Eskisabel-ek, Berria.info-ko zuzendariak esan bezala, "euskal komunikabide birtualak beraien erabiltzaileei edukia erostera behartuko baliete, beraien irakurleria are gehiago mugatuko lukete".

Horrez gain, gaur egun euskal komunitate birtualak trinkotzeko hizkuntza politika falta dago. Luistxo Fernandezen ustez, "beharrezkoa da komunikazio, hizkuntza eta teknologian dirua inbertitzea; baina, hurrengo urteotan instituzioen aldetik, adar jotzea baino ez dugu jasoko". Lander Arbelaitzek ere, Luistxoren ideia babestu zuen eta egoera salatzeko adibide argi bat jarri zuen, "errealari "euskararekin bat" kamisetan eramatearren dirua eman beharrean, kopuru hori interneteko euskarazko eduki zein webguneetan inbertitu beharko litzateke". Dudarik gabe, berak planteatutakoak askoz gehiago bultzatu eta trinkotuko lituzke sareko euskal komunitateak.

Amaitzeko eta arestian aipatutako guztia indartzeko helburuz, Hasier Etxeberriak esandako hitz batzuk aipatu nahi ditut: euskaldunok sarean aritu, erabili eta soinua atera beharra daukagu. Guk egiten ez baldin badugu, euskarak ez du sekula merezi duen tokia lortuko.

Gaztezulo aldizkariaren analisi sozio-pragmatikoa

2011-12-13T00:50:00.000-08:00

Sarrera honetan, Gaztezulo euskal gazteentzat zuzendu zen lehen aldizkariaketa formatu multimediara saltoa egin duenak, betetzen dituen zenbait zerbitzu sozial aipatuko ditut. Besteak beste,euskal komunitatea trinkotzeko egiten duen lana azalduz eta goraipatuz.

Euskal Herrian badaude hainbat hedabide multimedia. Baina, Gaztezuloriburuzko analisi egitea erabaki dut. Izan ere, komunikabidea euskal gazteeizuzendua dago. Eta, ni horien artean kokatzen naiz. Gainera, kazetaritzaikasketak burutzen nituenean ere, Gaztezulo aztertu nuen eta esperientziahorren bitartez, komunikabidea gertutik ezagutzeko aukera izan nuen.

Lehenik eta behin, Gaztezulo, gaur egun, Euskal Herri mailan oso ezagunaden hedabide multimedia eta digitala dela aipatu beharra dago. Dauzkanezaugarrien artean, hasiera batetik, hartzaileen iritzia kontuan hartu zuelanabarmendu beharra daukat. Izan ere, gazteei eginiko inkesta batek zehaztu zituen zeintzuk izango zirenjorratu beharreko gaiak: literatura, internet, musika, zinema, kirolak... bainabatez ere, sexuari ematen diote garrantzia gehien. Gai hau baitagazteen artean kontsultatuena.

Sexuaren arlo horretan ere, bestelako berezitasun bat gehitu behar zaio.Gaztezulo izan zen sexu kontsultak martxan jarri zituen lehen euskalaldizkaria. Hainbesteko arrakasta izan zuen berritasunak, oraindik ereindarrean dagoela. Gazteek orokorrean, sexuari buruzko jaki-min handia izatendute. Euskal gazteak horien artean kokatzen dira eta beraz, Gaztezulok gaialantzeko ematen dien aukera eskertu eta aprobetxatzen jarraitzen dute,hilabetez hilabete kontsultak eginez. Arlo honetan, euskaraz sexu-kontsultakegiteko aukera izatea garrantzitsua iruditzen zait. Azken finean, sexuak,sarritan, lengoaia berezitua erabiltzea dakar eta adituen erantzunen bitartez,gazteek euskarazko "hitz berriak" ezagutzeko eta erabiltzeko aukeradaukate.

Gaztezulok, erabilitako hizkera aberatsa eta formala da. Beraz, hartzaileakinformazioa ulertu nahi baldin badu, ezinbesteko egiten zaio euskara mailaaltua izatea. Oso gai aberatsak baitira landutako guztiak. Modu horretan,multimedia komunikabideak gazteak euskara batu formala erabiltzera etakontsumitzera bultzatzen ditu.

Multimediara salto egitean, hainbat ate ireki zaizkie. Lehenik eta behin,irakurleen parte hartzea suspertu dute agendaren bitartez. Bertan, edozeinek Euskal Herriangazteei zuzenduta dauden edo hauei interesatzen zaien ekitaldiei buruzkoinformazioa eskaini dezake. Horrez gain, irudiari ematen dioten garrantziaazpimarratzen da. Honen bitartez, edukiari aberastasuna ematea lortzen baitute.Honek berebiziko garrantzia dauka webgunean. Izan ere, irudiak aldizkariarenwebgunea ikusgarriago bihurtzen du.

Horrenbestez, ikuspegi sozio-pragmatikotik aztertuta, eta euskaldunenkomunitatea sarean trinkotzeari begira Gaztezulok egiten duen ekarpenari buruz,esan daiteke eskertzeko modukoa dela. Hainbeste denboran zehar, euskal kulturaren,ohituren, hizkuntzaren... oinordekoak izango diren gazteei zuzenduta eginiko eskaintzaaberatsagatik.

Euskarazko komunikabide multimedia eta digitalen eskaintza Euskal Herrian

2011-12-10T07:07:00.001-08:00

Euskal Herriko komunikabideen inguruan hausnarketa egitean, ondorio osogarbi bat atera dezakegu. Alegia, bi direla hegemonia osoa beraien eskuetandutenak: EITB eta Berria. Hauentzat marka izaerak izugarrizko garrantzia dauka.Izan ere, enpresa izaera oso zehaztuta daukate. Eta, informatu, entretenitu, euskara sustatu, eta abarrez gain, etekinakateratzeko helburuz ere sortuak dira.

Hala ere, hauek ez dira euskal komunitateak eskura dituen komunikabidemultimedia eta digital bakarrak. Eskualde zein tokian tokiko komunikabideek osozeregin garrantzitsua dute gizartean. Azken hauen eskaintza oso zabala da: Noaua!,Ttipi-Ttapa, Begitu... Alde batetik, gaiespezializatuak jorratzen dituztenak daude: Gaztezulo, Elhuyar, Argia... ; bestetik,jendearen parte hartzearekin hornitutakoak: Zu zeu, Kazetari.net, Gaur8... ; batik bat, euskalkiei garrantziaematen dietenak: Bizkaie, Goiena... eta abar. Baina edozein dela beraiensailkapena, helburu amankomun bat dute: herritarrak beraien inguruan gertatutakoazinformatuta izatea, marka albo batera utziz.

Marka kontzeptua erabiltzen dudanean, ez naiz modu negatibo batean ari.Ezin baitezakegu ahaztu, komunikabide gehienak enpresa direla. Hori dela eta,uste dut komunikabide txikiek ere beraien marka indartu beharko luketela.Diru-etekinak lortzeko ez ezik, beraien izena ezagutarazteko ere. Zenbat etajende gehiagok ezagutu, orduan eta ospe handiagoa izango lukete eta moduhorretan, beraien biziraupena ziurtatu ahal izango lukete. Azken finean, komunikabideekirakurle edo erabiltzaileentzat baliagarriak izatea dute xede. Etabaliagarritasun maila, euskarazko komunikabideek eginiko eskaintza koherentea,osatua eta eraginkorra izateak ahalbidetukodu.

Euskarazko hedabide multimedia eta digitalen zailtasunak

2011-12-10T07:00:00.001-08:00

Hedabide multimedia eta digitalek internetek eskaintzen dituen abantailakerabiliz, edukiak hartzailearengana modu zuzenean helarazten dituzte. Hala ere, euskarazko hedabideen kasuak badituzenbait muga. Lehenik eta behin,gertutasun faltaren arazoa daukagu. Hau da, Euskal Herria zazpi probintziaezberdinez osatua dago eta jendeari, batik bat, bere inguruan gertatutakoakaxola dio eta ez 200 kilometrora jazotakoak. Horri aurre egiteko, eskualde edoprobintzia mailako hedabideak sortu beharko lirateke. Baina, pausua eman bainolehen zein hizkera erabiliko litzatekeen ere zehaztu beharreko kontua da.

Euskalkiak euskaldunon ondare linguistiko garrantzitsuenak dira. Beraien erabilera, gutxika gutxika, murriztuzdoa eta beraz, erabat gal ez daitezen bultzada bat eman beharko genieke. Halaere, puntu honetara helduta, beste muga bat agertzen da: euskaldun berrienhazkundea.

Euskal hiztun guztien oso portzentaje altua dira euskaldun berriak etahauek ez dute euskalkien ezagutzarik. Beraz, gizartea bitan zati dezakegu. Aldebatetik, euskaldun zaharrak, batez ere, adineko jendeaz osatua; eta bestetik,euskara batua oinarri dutenak. Adineko jendearen bizi-iraupena kontutan izanik,euskara batuaz zabalduko den hedabideen sorkuntza zilegiago litzateke.

Euskalkiek ere eremu oso zabala hartzen dute. Izan ere, azpieuskalki zeinauzoz auzoko aldaerak ere badituzte. Muga horiei aurre egiteko bide bakarraeuskalkiak batuz janztea da, Euskaltzaindiak ezarritako arauetan oinarrituz. Hala ere, audiozko hedabideetan euskalkiakdituen forma ezberdinez baliatzeak ez liguke inolako arazorik suertatuko. Azkenfinean, ahozko tradizioa oraindik ere existitzen den euskal ohituretako bat da.Adibidez, Gorbeialde Irratiak bere programa guztiak arratieraz emititzen ditu,bertako hizkera zabalduz.

Bestalde, datuen arabera, Iparraldean dauden euskaldunak, euskal elebidunakdira baina gehienak adineko jendea. Hegoaldekoak zein Nafarroakoak, ordea,erdal elebidunak eta gazteak. Ondorioz, euskara gero eta zabalduago egongo denarren, pisua galduz joango da. Kontraesan horrek badauka azalpen logikobat: EAEn zein Nafarroan dauden gazteekeuskara batua ikasteko joera daukate eta hauek osatzen dute Euskal Herri osokobiztanle kopuru gehiena. Hala ere, pisua galduko duela esatean, erdaraeuskararen gainean jarriko dela esan nahi dut. Azken finean, bertakoen amahizkuntza erdara baita, eta ez euskara. Horri aurre egiteko zerbait eginbeharra dago ezinbestean eta horretarako, sarean dauden hedabideek egindezaketen ekarpenaz baliatu beharko ginateke, lehenbizi.

Gucciri zetsuratutako publizitate kanpaina

2011-11-21T00:40:00.001-08:00

Irudi hau Gucciren publizitate kanpainetako bat da. 2003. urtean, Asia zein Europako Vogue aldizkari guztietan argitaratua izan zena. Hala ere, Britainia Handiko zenbait gizarte eragilek honen aurkako salaketa jarri zuten, herrialdeko hedabideetan azaltzen diren edukiak babesteaz arduratzen den erakundearen, Advertising Standards Authorityren, aurrean. Gauzak horrela, Mediawatch(medioetako edukien duintasunaz arduratzen den erakundea) eta Family Education Trust (familien segurtasuna babesteaz arduratzen den erakundea) bezalako erakundeek eginiko presioaren ondorioz, Britainia Handian publizitate kanpaina hau zentsuratua geratu zen.

Zein da irudi honen "arazoa"? Gucci bezalako markek, publizitate bide gisa, oso maiz jotzen dute sexua esplizituki agertzen dituzten irudietara. Kasu honetan, joera hori errepikatu egin zen eta horrek eragin zuen bere zentsura. Izan ere, irudia erotikoa izateaz gain, sexuala ere bada; eta, bertan iradokitzea baino, erakutsi egiten da. Britainia Handiko gizartean, nahiz eta XXI. mendean egon, sexua oso gai tabua da, oraindik ere, eta Guccik zilegitzat jo daitekeenaren eta ezin daitekeenaren arteko muga gainditu zuen.

Horrez gain, irudia sexista ere kontsidera daiteke. Emakumearen eta gizonezkoaren artean ezberdintasunak nabariak baitira. Azken hau, erabat jantzirik agertzen den bitartean; emakumeari, bere gorputzaren zona erogenoa ikusten baitzaio.

Hala ere, irudiaren publikazio esparrua kontutan izan beharra dago eta honek nolabaiteko eztabaida eragin dezake. Publizitate kanpaina hau, Vogue aldizkarian argitaratzeko prestatua baitzegoen eta beraz, ez erabat esparru publikotzat jo daitekeen eremu baterako. Beraz, nahiz eta aldizkaria publiko guztietara hel daitekeen; ez baldin badugu, eskuratzeko ordaintzen, ez da erabat publikoa. Guztiz ezberdina izango litzateke markesina batean argiratzeko prestatua izan balitz, baina ez da kasua.

Web 2.0 Kontzeptua

2011-10-26T06:39:00.000-07:00

Web 2.0 ez da kontzeptu hutsa, jarrera bat baizik. Informazioa eta edukiak modu librean eta publikoki partekatzeko prestutasuna edukitzea, ezinbestekoa da. Web 2.0n oinarritutako web orriak dinamikoak dira, izan ere, erabiltzaileek une oro bertan informazioa sortu, jaso eta aldatu dezakete.

Dudarik gabe,Web 2.0k sormena eta elkar komunikazioa sustatzen duela ziurtatu dezakegu.Web 2.0ren jaiotzarekin batera, sortzaileek "interneten bigarren generazio" gisa bataiatu zuten, alegia, interneten gauzak aldatzen ari zirela ikusi zuten. Internet egiteko era berri bat jaio zen beraz, zerbitzuen garaia.

Web 2.0ren adibide argi eta hedatuena sare sozialak dira gaur egun; facebook, twitter, tuenti, flicker, pinterest, blogak... hauek, mota guztietakoaukerak eskaintzen dizkigute.

Tom O'Reilly, software askearen fundatzaileak esan zuenez, Web 2.0ren helburu nagusia zera da: adimen kolektiboa erabiltzea.

2011-10-23T03:47:00.000-07:00

Mugikorren bidez euskaraikasteko aplikazio bat sortu dute

Elhuyar Fundazioak, euskaraoinarrizko mailan eta era ludiko batean ikasteko aukera ematen duen mugikorretarakoaplikazio bat garatu du

Aplikazio berri hau,Europar Batasuneko Hezkuntza eta Kultura Komisioak babesten duen "Moblang" ikerkuntza proiektuarenparte da. Egitasmoan Elhuyar Institutuak ez ezik, Zipreko Neurozientzia etaTeknologia Institutuak eta Erresuma Batuko zein Greziako bestelako entitateakademiko batzuk ere parte hartu dute.

Solabarrieta, Laouris eta Nogeras aurkezpen egunean

Elhuyar Fundaziokozuzendari nagusia den Itziar Nogerasek, euskarazko sistemaren garapenerakoarduradunak, Danel Solabarrietak, eta Yiannis Laouris, Zipreko Institutukozuzendariak parte hartu zuten urriaren 14an, Donostian, aplikazioa aurkeztekoantolatutako prentsaurrekoan.

Laourisek azaldu zuenez,""Moblang" proiektuak biurte daramatza Europan dauden hizkuntz gutxituak babesten. Dagoeneko, grekorako, albanierarako, turkierarako, eta gaelikoarakogarapenak sortu ditugu". Orain, euskara ere talde horren parte bihurtudelarik.

Aplikazio berri hau, "Mobile Assisted Language Learning" (MALL) sisteman oinarritzen da eta berehelburu nagusia, Solabarrietaren esanetan, euskara ikasten dutenentzat lagungarriizatea da, "erabiltzaileak nahi duenean eta modu oso errazean erabil dezakeelako". Hartzaile-taldeari dagokionez, aplikazioa adinezhelduak diren erdal hiztunentzat zuzenduta dago, batik bat. Hau da, euskaraikasteko jakintza prozesuan mailarik baxuenean dauden ikasleentzat bideratzenda.

Eskaintzen dituenzerbitzuen artean: Euskara > Gaztelania hiztegia eta alderantziz; irudiaketa audioak dituen telefono-txartela; hitzak edo esaldiak grabatzeko sistema; eta, lexikoa, ulermena,entzumena zein idatzizko eta ahozko mintzaera trebatzeko balio duten jokointeraktiboak daude.

Aplikazioa mugikorreradohain jaisteko programa dagoeneko eskuragarri dago, moblang.eu orrialdean.Hala ere, horretarako, beharrezkoa da telefonoa mugikorrak Java programa eta MicroSD txartela izatea. Etorkizun hurbilean,Iphone eta Androidetan ere erabili ahal izateko lanean ari direla aitortu zutenarduradunek.

20minutos.es

2011-10-21T05:16:00.000-07:00

Lehenik eta behin, lan hau egiteko Karla Cregok eta nik neuk aukeratu dugun ziberhedabidea Espainiaguztian dohain banatzen den 20minutos egunkariaren bertsio digitaladela aipatu nahi dugu.

20minutos.es-ek azken hiru hilabeteetan izandako mundu mailako trafikoa,Alexa-ko "TrafficRank"aren arabera, 1.384an kokatzen da. OJDinteractiva-k irailean argitaratu zuenez, 27.125.610 erabiltzailek kontsumitu zuten ziberhedabidea, etabisita guzti horietatik, %51a kontsulta bakar batean oinarritu zen.

Egunkari digitalak izandako audientziari buruzko informazio Google-n bilatzerakoan, ekaina parteanargitaratutako artikulubat ageri da. Bertan, audientzia tasa %17an igo zela azaltzen da, 3.537.000 erabiltzaile bakarretanfinkatuz.

Edukiari dagokionez, ziberhedabidea "orokor" gisa katalogatudezakegu. Izan ere, beti agertzen diren eta guztiz garrantzitsuak diren,nazioartea, ekonomia, gizartea eta kirolei, "Tu ciudad","Tecnologia & Internet", "Artes", "Gente y TV","Comunidad20" eta"Blogs"-a ereeskaintzen zaie erabiltzaileei. Azken honetan, hogei blog baino gehiago daude. Bertan,erabiltzaileek sortutako gai ezberdinetako blogetan parte hartzeko aukeradaukate. Horrez gain, "20minutos tv beta", hau da,albiste garrantzitsuenei buruzko bideoak ere ikusgai dituzte.

Edukien bilaketa modu erraz eta sinplean egiteko aukera eskaintzen du20minutos.es-ek. Webgunearen behekaldean zein goikaldean, "Buscar" bilatzailea azaltzen da. Bertan,hitzak edo zenbakiak erabiliz bilatu dezakegu nahi dugun informazioa. Hau da,data bat jarriz, egun horretan argitaratutako berriak azaltzen zaizkigu eta eraberean, berri horiek aipatzen dituzten hitz gakoen bitartez ere egin daitekebilaketa. Bilaketa orokor bat egin nahi izanez gero, ziberhedabideak daukan artxiboanurtez-urteko (2005etik hasita2011rarte) egutegia erabil daiteke. Nahi dugun urteko, hilabeteko, eguneanclick eginez gero, egun horretako berriak irakurtzeko aukera ematen du. Gainera,ziberhedabideak webguneko mapa bat eskaintzen du, arlo nagusiak (kirola,mundua, politika…), erkidegoak (Euskal Herria, Andaluzia…) eta gai nagusiak(Goya sariak, hauteskundeak…), besteak beste, sailkatuz. Hala ere, azken ordukoalbisteak ez dute beraien atal propiorik, guztiak portadan azaltzen dira etadenbora pasatu ahala, dagozkien atal nagusien barruan kokatuz doaz.

Guzti horrez gain, Espainiako probintzia ezberdinetan egunkariakargitaratutako publikazio ezberdinen edizio idatzia ere eskaintzenzaie erabiltzaileei, PDF formatuan. Alegia, webgunean, A Coruña, Bilbo,Cordoba, Alicanten... banatutako egunkariak kontsumitu daitezke, ezer ordaindugabe.

Azaleko informazioetan, albistea ze ordutan argitaratu den agertzen da,egilearen izen-abizenak eta tokiarekin batera. Hala eta guztiz ere, egunkaridigital honek argitaratzen dituen albiste gehienak EFE albiste agentziatikeratorritakoak direla esan beharra dago. Egunkari digitalak, audientziaren etaerredakzioaren arteko konfiantza bat lortzeko helburuz, Staff edo erredakzioan lan egiten dutenen izenabizenak, argazkia, kargua eta argitaratutako artikulu kopurua baita hauenjarraitzaileei buruzko informazioaeskaintzen du. Horrez gain, enpresarenhistoria, kokapena, audientzia datuak eta eskaintzaren deskribapenari(egunkari ezberdinak eskualde ezberdinetan, twitter edo facebook bezalakoaplikazioak informazioa jasotzeko…) buruzko informazioa ere azaltzen zaigu.

Egunkaria zein webguneak duen gako garrantzitsuenetako bat, erdalaudientziari soilik zuzenduta dagoela da. Izan ere, Espainiako hizkuntz nagusiagaztelania bada ere, beste hiru hizkuntz ofizial ere badaude eta beraz,interesgarria izango litzateke informazioa hizkuntz horietan eskaintzea.

Publizitateak 20minutos.es-en pisu handia duela esango genuke. Izan ere,goikaldean, behekaldean, eskuinaldean eta egunkariaren erdialdean ere azaltzenda. Kontutan izan behar da, egunkari baten iturri ekonomiko nagusiena publizitatea dela eta horren islaziberhedabide hau dugu. Hainbat enpresetako publizitatea ageri da. Hori delaeta, publizitate korporatiboa dela esan daiteke.

Gaur egun, Web 2.0 bezala ezagutzen dugun komunikazioa nagusi da munduan.Hori dela eta, ziberhedabide honek, gaur egunera egokituz, RRSS-en bitarteznorbanako bakoitzari interesatzen zaizkion gaiei buruzko albisteak sare sozialetanjasotzeko aukera ematen die. Hala nola, twitter, facebook, menéame, tuenti,reporter, yahoo, my space... bezalako erremintak erabiltzen ditu. Horien bitartez, erabiltzaileek aukeradaukate albisteak komentatzeko eta horietan parte hartzeko. Era berean, beraienbotoa eman dezakete : Gustatzen zait edo ez zait gustatzen. Hori gutxi bada ere, lagun bati edo bestenorbaiti irakurri berri duzun albistea e-postaz bidaltzeko aukera eskaintzendizu 20minutos.es-ek eta erregistratuta baldin bazaude, eskatutako gaiei buruzko informazioa korreo elektronikorabidaltzen dizute. Beste alde batetik, aipatu beharra dago ez dizula albisteainprimatzeko aukerarik ematen ezta beraren autorearekin harremanetan jartzekoere. Beraz, azken hutsune hau konpontzeko zerbait egin beharko luketela ustedugu.

20minutos.es-ek hamabost bat eztabaidaforoetan parte hartzeko aukera ematen du, bakoitzaren iritzia plazaratuz.Foroek gai ezberdinak jorratzen dituzte, esate baterako, zinema, kirola,musika, bidaiak, osasuna, animaliak, etxebizitza eta eguneroko gertaerak.Hauetan parte hartzeko beharrezkoa da, egunkariak ezarritako arauakerrespetatzea. Hau da, inork ezin dezake beste pertsona iraindu ezta difamatu.Bazterketa sozialean oinarritutako iruzkin guztiak debekatzen ditu baitapublizitate helburua duten guztiak ere. Horrelakoren bat idatziz gero, iruzkinaezabatua geratzen da.

Chat-ak ez dituen arren, erabiltzaileek albisteen inguruan beraiekpentsatzen dutena adierazteko aukera daukate sei bat inkesta digitalen bidez. Inkestahorietan botoa eman dezakete eta nahi baldin badute foroetan luzatu dezaketeberaien iritzia.

Albiste irakurrienen atalean, batez ere pertsonaia famatuen bizitzeninguruko albisteak agertzen dira. Argi dago mota horietako “albisteak” ezdutela zerikusirik ziberhedabidearen azalean aurkezten diren albisteekin. Hauekegunerokotasunaren irizpidean oinarrituz sailkatzen baitira.

Comunidad20 atalari esker, erabiltzaileari albisteak,argazkiak… bidaltzeko aukera ematen zaio: zona20@20minutos.es . Era berean, fotogaleriaatalean, beste irakurleek bidalitako ikusentzunezko edukiak ikusgai daude.

IritziPertsonala:

Orokorrean, ziberhedabideak jarraitutako egitura egokia iruditzen zaigu. Hauda, albiste garrantzitsuenak webgunearen goikaldean agertzen dira, tituluaren tamainagainontzeko albisteena baino handiagoaz eta irudiarekin lagunduta. Gainera,argazkiaren gainean, sare sozialetan gehien irakurri eta iruzkindu direnalbisteak zeintzuk diren nabarmentzen ditu egunkariak, zeinu baten bitartez.Horrek irakurleari albistearen garrantzia zer-nolakoa den erakusten dio etahorretan aktiboki parte hartzera bultzatzen dio.

Hala ere, diseinuari dagokionez, zenbait alde negatibo daudela iruditzenzaigu. Lehenik eta behin, albisteak bata bestearengandik oso hurbil daude eta horrekirakurlearengan estutasuna eragin dezake. Horrez gain, albisteen bitarteetanpublizitatea kokatzeak irakurleari arreta galaraz diezaioke. Gure proposamena,publizitate guztia alboetan edota goian edo behean agertzea da. Gainera,albisteen gaien artean komunztadura gehiago egon beharko litzateke. Hau da,adibidez, kirola, ekonomia, Euskal Herria… agertzen duten albisteak batera,zutabe bakar batean argitaratu daitezke, gainontzeko albisteetatik bereiziz etaera berean, horiek ordenatuz.

Bestalde,egunkariak Espainia guztian zehar argitalpena banatzen ditu. Hori dela eta,interesgarria izango litzateke informazioa herrialdean dauden hizkuntz ofizialezberdinetan eskaintzea. Webgunearen kasuan, lan gehiago suposatuko lukegaztelaniaz ez ezik, katalanez, galizieraz eta euskaraz agertzea baina askokeskertuko luketen esfortzua dela uste dugu.

Polonian Herritarren Plataforma Liberalak irabaziko ditu Legebiltzarrerako hauteskundeak

2011-10-10T07:43:00.000-07:00

Donald Tusk-ek zuzentzen duen alderdia izango da, berriz ere, Poloniako senatu eta kongresuan nagusi. Ofizialki botoen %63,7a zenbatuta daudela, %37,4a Herritarren Plataforma Liberalaren aldekoa da. Beraz, Legebilzarreko 460 aulkitatik, 191a eskuratu dute, momentuz.

Hauteskunde hauen emaitza, historikotzat jo daiteke; izan ere, Polonian, 1989an demokrazia ezarri zenetik, ez du inork agintaldirik errepikatu. Donald Tusk-ek garaipena lortzearen arrazoi nagusienetarikoa, orain arte eramandako politika ekonomia izan da. Polonia izan baita, Europako herrialde bakarra 2009an atzerapen ekonomikoan erori ez dena.

Hala ere, Herritarren Plataforma Liberalak ez du gehiengorik lortu eta beraz, Nekazarien Alderdi Moderatuarekin koalizioa errepikatu beharko du.

Confesbakek lan errenten zergak igotzeko proposamena egin du

2011-10-09T04:59:00.000-07:00

Confebaskek lan errenten zergak igotzeko proposamena egin du

Alazne Salcedo

EAEko enpresaburuen elkarteak, PFEZa igotzea ezinbestekotzat hartzen du enplegua sortzeko orduan. Era berean, Miguel Angel Lujua patronaleko presidenteak, enpresen zergak eta betebeharrak murriztea eskatu du, Europako fiskalitatea eredutzat hartuz. Bildu eta PSE-EEko agintarien erantzuna erabatekoa izan da: krisi garaian, ezin daiteke enpresarien zerga arindu eta langileena igo. Proposamena, erabat amoraltzat katalogatu dute.

http://blogpresidente.confebask.es/

http://www.confebask.es/becasfp/

Ongi etorri!!

2011-10-03T08:47:00.000-07:00

Arratsaldeon guztioi! Lehenik eta behin, ongi etorria ematen dizuet nire blogg honetara. Nire izena Alazne Salcedo da. Arratia bailaran kokatzen den herri txiki batean bizi naiz, Lemoan hain zuzen ere. Aurten kazetaritzan lizentziatu berria naiz eta momentu honetan, Multimedia Komunikazioari buruzko masterreko lehenengo klasea jasotzen ari naiz.